Парламент Сенаты аппаратының басшысы Талғат Сәрсенбаев ҚХР ХӨБЖ Тұрақты комитеті бас хатшысының орынбасары Цао Вэйчжоумен кездесті, деп хабарлады Сенаттың баспасөз қызметі.
Кездесу барысында Парламент Сенатының Төрағасы Қайрат Мәмидің шақыруы бойынша Халық өкілдерінің Бүкілқытай жиналысы Тұрақты комитетінің төрағасы У Бангоның 2011 жылғы 23-28 қыркүйекте Қазақстанға алғашқы ресми сапарына әзірлік мәселелері талқыланды.
«Біз ҚХР жоғары өкілді органы бірінші басшысының біздің елімізге алдағы сапарына ерекше маңыз береміз», – деді Т.Сәрсенбаев және ол сапардың жоғары деңгейде өтетініне сенім білдірді.
«Біздің еліміздің жоғары өкілді органы басшысының Қазақстанға келуі біздің дәстүрлі достығымыз бен тату көршілігімізді, сондай-ақ екі мемлекет арасындағы жан-жақты стратегиялық әріптестікті дамытуға әзірлігін көрсетеді», деді Ц.Вэйчжоу.