ҚХР көмір шахталарын жаппай жауып жатыр, деп хабарлайды ҚазАқпарат Синьхуа агенттігіне сілтеме жасап.
Тек Шаньси провинциясында ғана алғашқы 10 айдың ішінде қуаттылығы 23,3 миллион тоннаны құрайтын 25 көмір кеніші жұмысын тоқтатты. Ал жалпы Қытай бойынша 2016 жылы көмір өндіруді 250 миллион тоннаға қысқарту жоспарланған. Бұлардың бәрі Қытайдың энергетикалық дамуы бас жоспарына енген. Ол бойынша біртіндеп қазба байлықтың орнына жаңартылатын энергия көздеріне көшу көзделіп отыр.