Қазақстандық боксшы Асхат Уәлиханов кәсіби рингтегі алғашқы жеңісіне қол жеткізді, деп хабарлайды ҚазАқпарат Sports.kz-ке сілтеме жасап.
Асхат Калифорния штатындағы Фресно қаласында екінші раундта никарагуалық Карлос Агилерді техникалық нокаутпен жеңген. Боксшылардың кездесуі бірінші жарты салмақта өткен. Бұл Уәлихановтың кәсіби рингтегі екінші айқасы.
Еске сала кетейік, алғашқы жекпе-жегінде мексикандық Даниэль Бастиеннен жарысқа қатысу құқығынан айырылуы салдарынан ұтылған.