Сенаттың бюро отырысы өтті

Кеше Парламент Сенатының Төрағасы Қайрат Мәмидің төр­ағалық етуімен болған палатаның бюро отырысында Мәжілісте ма­құлданған заң жобалары палата комитеттеріне бөлініп берілді, деп хабарлады Парламент Сенатының баспасөз қызметі. Әлеуметтік-мәдени даму комитеті «Қазақстан Республикасы­ның кейбір заңнамалық актілеріне мемлекеттік әлеуметтік тап­сы­рыс мәселелері бойынша өзге­рістер мен толықтырулар енгізу туралы» заң жобасы бойынша негізгі комитет болып белгіленді. Қаржы және бюджет комитеті «2007 жылғы 6 қазандағы Кеден одағының комиссиясы туралы шартқа өзгерістер мен толық­ты­ру­лар енгізу туралы хаттаманы ратификациялау туралы» заң жобасын зерделейтін болды. Бюрода биылғы 22 қыр­күй­ек­те болатын Сенаттың кезекті жал­пы отырысының күн тәртібі бойынша ұсыныстар да тал­қы­ланды. Алдағы отырыста «1992 жылғы 15 мамырдағы Ұжымдық қауіпсіздік туралы шартқа қа­ты­сушы мемлекеттер арасындағы Әскери-техникалық ынтымақтас­тық­тың негізгі қағидаттары ту­ралы келісімге толықтырулар енгізу туралы екінші хаттаманы ратификациялау туралы» және «1992 жылғы 15 мамырдағы Ұжымдық қауіпсіздік туралы шарт­қа қатысушы мемлекеттер арасындағы Әскери-техникалық ынтымақтастықтың негізгі қағи­дат­тары туралы келісімнің шең­бе­рінде жеткізілетін әскери мақ­саттағы өнімдердің нысаналы пай­даланылуын бақылауды жү­зеге асыру тәртібі туралы хат­та­маға толықтыру енгізу туралы екінші хаттаманы ратификациялау туралы» заң жобаларын тал­қылау жоспарланды. Сондай-ақ «Білім туралы» Заңға өзгерістер мен толықтырулар енгізу ту­ралы» заң жобасы қарауға ұсынылды. Жалпы отырыста, сонымен қатар, «Қазақстан Респуб­лика­сы­ның кейбір заңнамалық актілеріне құқық қорғау қызметін жетілдіру және қылмыстық заңнаманы одан әрі ізгілендіру мәселелері бойынша өзгерістер мен толық­ты­рулар енгізу ту­ра­лы» заң жоба­сы екінші оқы­лымда қаралады.