Жақында С.Аманжолов атындағы Шығыс Қазақстан мемлекеттік университетінің ректоры Бейбіт Мамраевтың демеушілігімен «Өр Алтай түлектері» атты студент ақындардың өлеңдер жинақтары жарық көрді. Қос тілде жарық көрген жыр жинағына елуге тарта жастардың өлеңдері енгізілген.
Жас ақындар Зарина Долатай, Қызырбек Дүргінбайұлы, Жандос Аманжолұлы, тағы басқалар Кенді Алтайдың тылсым табиғаты, қарапайым еңбек адамдары жайлы сыр шертеді. Тұсаукесер рәсімінде сөз алған университет ректоры Б.Мамраев алдағы уақытта да талантты жастарды қолдап отыратындарын жеткізді.
Оңдасын Елубай, Өскемен.