Елді еңселендірген өршіл өңірлер табыстары

Облыстардың Астанадағы күндері ел өңірлерінің тәуелсіздік тойы қарсаңындағы өзіндік есебіне айналды. Қостанай, Қызылорда, Оңтүстік Қазақстан облыстарында мемлекетіміздің мерейлі мерекесіне лайықты дайындық жасалып жатқандығы келісті көрінді. Кеше Бейбітшілік және келісім сарайында Президент Қос­танай, Қызылорда және Оңтүстік Қазақстан облыстары жетістіктерінің көрмесімен танысты. Қазақстан Тәуелсіздігі­нің 20 жы­лын­да Қостанай облысының қол жеткізген нәтижелеріне арналған экспо­зицияда облыс әкімінің орынбасары  Н.Сәд­уақасов Мемлекет басшысына өңір­дің экономикалық жағдайы мен әлеу­меттік дамуы туралы баяндады. 2010 жылы облыста, 1993 жылмен салыс­тырғанда, жалпы өңірлік өнім 226 есе артып, халықтың жан басына шаққанда 975,4 мың теңгені құрады. 2010 жылы облыста 451 млрд. теңгенің өнеркәсіп өнімі өндірілді. 2003-2009 жылдар ара­лығында жалпы со­ма­сы 83,3 млрд. теңгенің 95 инвес­ти­ция­лық жобасы іске асырылып, жаңадан 5 мың жұмыс орны ашылды. 1993-2010 жыл­дар ара­лығында ауыл шаруашы­лы­ғы­ның жалпы өнімі 112 есеге артты. 20 жыл ішінде облыста 2 млн. 165 мың шаршы метр тұрғын үй пайдалануға берілді. Халықты жұ­мыспен қамту дең­гейі 84,2 пай­ыз­дан 94,3 пай­ыз­ға дейін өсті. 11 жалпы білім беретін мектеп, 140 ор­ынды 1 бала­бақ­ша салы­нып, 3 жалпы білім беретін мектеп пен 6 ба­лабақшаға қайта жөндеу жұ­мыс­та­ры жүр­­гі­зіл­ді. Об­лыстағы денсаулық сақ­тау секторы 599 ме­ди­циналық нысан­мен толықты. Қы­зыл­ор­да облысының қол жеткізген нә­ти­же­ле­ріне ар­нал­ған көр­меде облыс әкімі Б.Қуан­дықов Мемлекет басшысына өңірдің экономикалық жағдайы мен әлеуметтік дамуы туралы баяндады. Он жыл ішінде облыстық бюджеттің көлемі 7,7 есе артты. 2010 жылы сомасы 33 млрд. теңгенің 27 жобасы іске асырылып, 938 жұмыс орны құрылды. 11 жоба Индустрия­ландыру картасы аясында жүзеге асты.  Тұрғын үй-коммуналдық шаруашылық­қа арналған шығыстар 7,6 есе өсіп, облыстық бюджет көлемінің 10,5 пайызы болды. 87 білім беру нысаны, 73 денсаулық сақтау нысаны пайда­ла­нуға берілді. 2010 жылы ауыл шаруашы­лығының жалпы өнім көлемі 44,2 млрд. теңгені құ­ра­ды. Облыста ұз­ын­дығы 811,7 ша­қырымды алып жатқан және об­лыстың барлық аудан­дарын қам­ти­тын «Батыс Еуропа – Ба­тыс Қы­тай» жобасы жү­зе­ге асырылуда. Тұр­­ғын үй мемлекеттік бағдар­ла­ма­сы бойынша 2008-2010 жылдары 721 мың шаршы метр тұрғын үй пай­далануға берілді. Оңтүстік Қа­зақ­стан облысы­ның қол жеткізген нәтижелеріне ар­налған экспо­зи­ция­мен танысу ба­рысында облыс әкімі А.Мырзахметов Мемлекет басшы­сына облыстың әлеу­меттік-экономикалық дамуы туралы баяндады. Жалпы өңір­лік өнім 2010 жылы 1,1 трлн. теңгеге жетіп, 163 есе арт­ты. Халықтың жан басына шақ­қандағы жалпы өңірлік өнім 121 есе өсті. 20 жыл ішінде негізгі капиталға ин­вестиция көлемі 225 есе өсті, облыс­тық бюджеттің көлемі 25 есе артты. 2010 жылы өнеркәсіп өнімінің көлемі 305 млрд. теңгені құрады. Облыста 280 жаңа кәсіпорын ашылып, 17 мың жұ­мыс орны құрылды. Үдемелі индус­трия­лық-инновациялық даму бағдар­ла­масы аясында 57 жоба жүзеге асты.  Ауыл шаруашылығы өнімдерінің кө­лемі 1991 жылғы 10,5 млрд. теңгеден 2010 жылы 162,5 млрд. теңгеге дейін артты. Білім беру саласын қаржы­ландыру көлемі 2010 жылы 121,8 млрд. теңгеге, денсаулық сақтау саласын қар­жылан­ды­ру көлемі 21,5 млрд. теңгеге көбейді. Тұсаукесер аяқталғаннан кейін Мемлекет басшысы Нұрсұлтан Назарбаев Бейбітшілік және келісім са­райында Оңтүстік Қазақстан, Қостанай және Қызылорда облыстары өнер шебер­лері­нің гала-концертін тамашалады. Әбдірахман ҚЫДЫРБЕК. ----------------------------------------- Суреттерді түсіргендер С.БОНДАРЕНКО, Б.ОТАРБАЕВ.