Әлем елімізге көз тігеді

Кеше Сыртқы істер министрлігінде Парламент Сенатының Халықаралық істер, қорғаныс және қауіпсіздік комитетінің көшпелі отырысы болып өтті. Оның барысында Сыртқы істер министрі Ержан Қазыханов еліміздің сыртқы саясаттағы басты бағыттары жайында баяндап берді. Өз сөзінде Е.Қазыханов «Қоғамы­мыз­дың барлық саласы бойынша маңызды шешімдер қабылдайтын Парламентіміздің рөлін ерекше атай отырып, дәстүрлі кездесулерімізде сыртқы саясат саласының өзек­ті мәселелері жөнінде сіздермен жан-жақты пікір алмасып отырамыз, әрдайым үйлесім­ді жұмыс жүр­гізіп келеміз. Президент Нұр­сұл­тан Назар­баевтың әлемдік беделі мен ба­йыпты сыртқы саяси стратегия­сының ар­қа­сында халықара­лық қоғамдас­тықта дип­ло­матиялық зор та­быс­тарға қол жеткізіп, ел мәртебесін көтерер мазмұнды іс-шаралар жүзеге асырылды. Бұл саяси жетістіктеріміз, әрине, Парламент Сенаты­ның Халық­ара­лық қатынастар, қор­ғаныс және қауіп­сіз­дік комитетінің мүшелері бо­лып табылатын сіздермен бірлесе үйлесім­ді атқарған күш-жігеріміздің нәтижесі деп санаймыз. Бұл рет­те мемлекеттік қызметте және сыртқы сая­сат саласында жинақтаған өмірлік мол тәжірибелері бар, сонымен қатар, елімізге белгілі зиялы қауым, қоғам және мемлекет қайраткерлерінен тұратын сенаторлардың әр­дайым көрсетіп отырған қолдауларын ерек­ше атап өткім келеді», дей келіп, 20 жыл ішінде біздің жас мем­ле­кетіміздің сыртқы саяси салада зор та­быс­қа ие болуы Қазақ­стан Республика­сының Президенті Н.Ә.На­зар­баевтың мемлекетті жа­ңар­тудағы қызметі­нің нәтижесі болып табы­латынын атап көрсетті. Одан әрі еліміз СІМ-інің басшысы ЕҚЫҰ-да алынған практикалық тәжірибе енді қазір 1,5 млрд.-тан астам халқы бар 57 мемлекетті біріктірген Ислам Ынтымақ­тас­тығы Ұйы­мы­на төрағалық тұсында қолда­нылатынын ай­тып, Қазақстанның ИЫҰ-ға төраға болуы Астанада маусым айында өткен Сыртқы істер ми­нистрлерінің 38-ші кеңесінде Ұйым аты­ның Ислам Ынты­мақтас­тығы Ұйымы болып өз­геруімен ис­ламдық уммаға әйгілі тарихи оқиға болып енгенін де еске салды. Ал еліміз абыройының ислам әлемінде биік болуы барлық қазақстандық шешім­дер­дің, атап айтсақ, Семей полигоны жабылуы­нан бастап ядролық сынақ­тарға қарсы әре­кет­тесуге дейінгі ара­лық­тағы шешімдердің халықаралық қоғамдастық тарапынан қолдау табуы­нан бастау алатынына екпін түсірілді. Министр назарынан стратегиялық әріптестер де тыс қалмады. «Бүгінгі күні біздің стра­те­гиялық әріптестеріміз: Ресей, Қытай, АҚШ, Еуроодақпен ынтымақтастығымыз жаңа сапалы деңгейде дамып келе жатыр», – деп атап өтті Е.Қазыханов. Парламент Сенатының Халықара­лық істер, қорғаныс және қауіпсіздік комитеті­нің төрағасы Қуаныш Сұлтанов министр­дің сыртқы саясат бойынша кең қамтыл­ған, маз­мұнды баяндамасына алғысын білдіріп: «Ке­ңес заманында егер біздің ұлты­мыздың өкілі халық­ара­лық дәрежедегі бір мінберге кө­те­рі­ліп сөйлесе, төбеміз көкке жететін еді, ал қа­зір бұл өте үйреншікті жағ­дай. Шү­кір, қазір әлем Қазақстанды та­ны­ды, оның табыстары мен игілікті бастама­лары­на көз тігіп қарап отыр», деді. Анар ТӨЛЕУХАНҚЫЗЫ.