Бар тағдырым қазақпен байланысты

Мен білім саласында 13 жылдан бері еңбек етіп келемін. Осы жылдар ішінде қазақ халқы­ның дана­лығына, барша этнос өкілдеріне деген кең­ді­гіне ер­ек­­­ше тәнті болдым. Ал тілінің құ­дірет­ті­лігін жан-тәніммен сезінген, бола­шағына нық сенген өзге ұлт өкілдерінің бірі екенімді үлкен мақтаныш тұтамын. Кіш­кен­тайымнан қа­зақ ауы­лын­да өстім, салт-дәс­түрлерін, әдет-ғұры­­птарын бойыма сіңірдім. Бастау­ыш мектепті қазақша бітіріп, әрі қарай оқуымды об­лыс орталығындағы №1 орыс мектебінде жалғастыр­дым. Алайда, одан кейінгі тағдырым да қазақ тілімен тығыз бай­­ланысты болды. Еліміз тәуел­сіз­дік алып, қазақ тіліне мемлекеттік мәртебе берілген жы­лы көп ой­ланбастан Петропавл педа­гогикалық инсти­ту­ты тарих-филология факультеті жанынан қазақ тілі және әдебиеті бөліміне құжаттарымды тапсырып, студент атандым. Қазақ тілі мамандығын таңдап алғаныма еш өкін­бей­мін. 1993 жылдан бері «Мем­ле­кет­тік тіл – менің тілім» байқауына үзбей қаты­сып, талай рет жеңімпаз атандым. «Тіл жана­шы­ры» құрмет белгісімен марапатталдым. Роза Мұ­хаме­дия­ро­ва, Күлғайша Ілиясова секілді бала күнгі құр­быларыммен әлі қатынасып тұра­мын. Мен ең­бек ететін № 26 орыс мектебінде өзім қатарлас жас ұс­таздар көп. Қазақ тілінің да­муына үлкен үлес қосып жүрген Айжан Тәтті­бае­ва, Сан­дуғаш Итқұлова, Алма Құ­дабаевамен жұ­бы­мыз жазылған емес. Саналы ғұмырын жас ұрпақ тәрбиесіне арнап келе жатқан Жанна Дру­чи­ни­на­ның да көмегі көп тиді. Білмегенімізді бір-бірімізден үйренуден жалыққан емеспіз. «Бест» гимназиясында ең­бек ететін Бақыткүл Таймуллина да жиі хабар­ла­сып, ақыл-кеңестерін айтып оты­рады. «Сау­сақ бірікпей ине ілікпейді» демекші, ауыз­бірлік, татулық бар жерде жұмыс­тың жемісті, еңбектің өнімді келетіні белгілі. Мен жетекшілік ететін 5 сынып оқушы­ла­ры­ның да ұйымшылдығы жақсы. Олар өздерін Тәу­елсіз еліміздің ертеңіміз деп есептейді. Мемлекеттік тіл­дің маңыз­ды­лығы мен қа­жеттілігін жан-тәндерімен сезініп, меңге­руге деген айрықша ықы­ластары сүй­сін­теді. Оларға отаншылдық қасиеттер тән. Ұлтымызға, дінімізге қарамастан бәрімізді біріктіріп отырған ұлы күш бар. Ол – ортақ Отан, Тәу­елсіз Қазақстан, қоғамдағы бірлік пен ынтымақ. Людмила МИЛЮТИНА, №26 мектептің қазақ тілі мұғалімі. Петропавл.