Міндеттер белгіленді

Бұрнағы күні елор­да­да­ғы «Көрме» орталығында екі күнге созылған «Қа­зақ­стандағы және бұрынғы Ке­ңес Одағы кеңістігіндегі азаматтық қоғам: қалып­та­суы және 20 жыл бойы дамуы» тақырыбындағы үкіметтік емес ұйымдардың халықаралық конференциясы өз жұмысын аяқтады. Конференция жұмысы қорытындыланған күні жи­ынға қатысушылар бірнеше секция төңірегінде ой-пай­ымдарымен бөлісіп, пікірталас өткізді. Мәселен, «Аза­маттық қоғамның да­муы: түйткілдер және зерттеу ұйымдарының мүм­кін­діктері», «Әлеуметтік бағ­дар­ламаларды жүзеге асы­ру­ға халықтың қатысу тиімділігін арттыру», «Еуропа мен ТМД елдеріндегі ҮЕҰ қызметін жүйелендіру сала­сындағы үрдістер», «ҮЕҰ-ның Мемлекеттік жобалар мен бағдарламаларға зерттеу жүргізуі мен оларды бағалауы», «ҮЕҰ жаңа ме­диа-технологияларды қалай пай­далана алады?», «Ба­ғ­дар­ламаны тұрғындардың игі­лігі жолына қалай ба­ғыт­тауға болады?» сынды та­қы­рыптарды көтерген секция жұмыстары көптің кө­кейін­де жүрген дүниелерді қозғауымен маңызды бол­ды. «Азаматтық қоғамның дамуы: түйткілдер және зерт­теу ұйымдарының мүм­кін­діктері» тақырыбында өт­кен секция жұмысына Ресейдегі Азаматтық қоғамды зерттеу орталығы мен «Жо­ғары экономика мектебі» ұлт­тық зерттеу университеті жекеменшік емес секто­ры­ның директоры Ирина Мерсиянова сөз алып, өз елін­дегі үкіметтік емес сек­тордың қызметіне, оларға тұрғын­дар­дың сенім арту көрсет­кі­шінің дейгейіне қа­тыс­ты қы­зықты мәліметтер келтірді. «Еуропа мен ТМД елдеріндегі ҮЕҰ қызметін жүй­е­лендіру саласындағы үр­діс­тер» тақырыбындағы сек­ция жұмысында сөз сөй­леген ICNL халықаралық ұйымы­ның ТМД елдері бойынша вице-президенті Наталья Боржелли әлем елдеріндегі үкіметтік емес ұйымдардың қызметін жандандыруды және азаматтық қоғамның дамуына қолдау көрсетуді мақсат тұтатын ұйымға қа­тысты кеңірек мәлімет берді. «Біздің ұйымның бас кеңсесінен бөлек, әлемнің 25 елінде кеңселері орна­ласқан. Әлемнің 80-нен астам елінде азаматтық қо­ғам­ның дамуына техни­ка­лық, ақпараттық көмек беруді, үкіметтік емес ұй­ым­дардың жұмысына қажетті заңдарды жетілдіруді көз­дей­тін арнайы бағдарлама­ла­рымыз бар. Біздің ұйым­ның Қазақстандағы жұмы­сы да жақсы жолға қойыл­ған», – деді Н. Боржелли. Бір айта кетерлігі, ха­лық­­ара­лық форум аясында аза­маттық қоғамдағы, үкі­мет­тік емес ұйымдар қыз­метін­дегі түйткілдер сөз етіліп қана қоймай, оларды шешу жолдары мен ауқым­ды міндеттер шоғыры тал­қыға салынды. Ләйла ЕДІЛҚЫЗЫ.