Мемлекет басшысы Ислам ынтымақтастығы ұйымының ғылым және технологиялар жөніндегі саммиті аясында Гвинея Республикасының Президенті Альфа Кондемен кездесті. Бұл туралы akorda.kz хабарлады.
Кездесу барысында Қазақстан Президенті Астанада өтіп жатқан Ислам ынтымақтастығы ұйымының ғылым және технологиялар жөніндегі саммиті бүкіл ислам әлемі үшін маңызды екенін атап өтті.
– Өкінішке қарай, біздің елдеріміз арасында тығыз экономикалық қарым-қатынас орнамаған. Біз осы бағытты дамыта түсуіміз қажет. Сіздің Қазақстанға ресми сапармен келуге ниетті екеніңізді білемін және оған қуаныштымыз, – деді Нұрсұлтан Назарбаев.
Гвинея Республикасының Президенті Ислам ынтымақтастығы ұйымының ғылым және технологиялар жөніндегі саммитіне қатысуға шақырғаны үшін Нұрсұлтан Назарбаевқа ризашылығын білдіріп, екіжақты байланыстарды нығайтуға ниетті екенін айтты.