ДЕГЕН АТПЕН КИЕВТЕ ҚАЗАҚ КОМПОЗИТОРЛАРЫНЫҢ ШЫҒАРМАЛАРЫНЫҢ КОНЦЕРТІ ӨТТІ
Ел Тәуелсіздігінің 20 жылдығы қарсаңында Киев қаласында Қазақстанның бүгінгі күнгі музыкасынан тұратын «Көк байрағым, желбіре!» атты концерт өтті. Украинаның халық әртісі, Т.Шевченко атындағы Украина ұлттық сыйлығының лауреаты, дирижер Валерий Матюхиннің басқаруымен «Киев камератасы» оркестрі қазақ музыкасын дүрілдете, зор шабытпен орындады. Украина ұлттық музыка қоғамының залына жиналған жұртшылық ризашылығында шек болмады. Концертте қазақ композиторлары Б.Қыдырбек, А.Тоқсанбаев, Б.Дәлденбай, Б.Аманжол, Ә.Мәмбетов-Жұбанов, А.Райымқұлова, Х.Сетеков, В.Стригоцкий-Пак шығармалары орындалды. Бұл концерт қазақ музыка өнерінің бүгінде әлемдік деңгейде екенін ғана емес, оның ең жоғары биігінде тұрғанын паш етті.
«Егемен-ақпарат».