Мемлекет басшысы Нұрсұлтан Назарбаев Ресей Федерациясының Президенті Дмитрий Медведевпен телефон арқылы сөйлесті, деп хабарлады Қазақстан Республикасы Президентінің баспасөз қызметі.
Екі елдің басшылары іс жүзінде қызметі 2012 жылы басталатын Қазақстан, Беларусь және Ресейдің Біртұтас экономикалық кеңістігінің негізін құрайтын құжаттарды қабылдау жөніндегі жұмыстардың барысын талқылады. БЭК-ті қалыптастыру мәселелерін келісу және тиісті шешімдер қабылдау мақсатында Қазақстан, Беларусь және Ресей президенттерінің кездесуін ағымдағы жылдың қараша айында өткізу туралы уағдаластыққа қол жеткізілді.