30 қазанда Маскат қаласында Қазақстан Республикасының Оман Сұлтанатындағы Төтенше және өкілетті елшісі Е.Әбілдаев Оман Сұлтаны Қабыс бен Саидқа Сенім грамотасын тапсырды.
Еліміздің осы мемлекеттегі алғашқы елшісінен Сенiм грамотасын салтанатты қабылдау рәсiміне Оман Сұлтанатындағы жоғары лауазымды адамдар қатысты. Олардың ішінде мемлекеттік сыртқы істер министрі Юсеф бен Алауи да болды.
Сенiм грамотасын салтанатты тапсыру рәсiмінен кейін тараптар екі-жақты қарым-қатынастардың өзекті мәселелерін талқылап, халықаралық ұйымдар шеңберіндегі өзара іс-қимыл жайын сөз етті, деп хабарлады Қазақстан Республикасы Сыртқы істер министрлігінің баспасөз қызметі.