Standard&Poor`s агенттігі дүйсенбі күні Қазақстанның несиелік деңгейінің бір сатыға жоғарылағанын жария етті. Еліміздің несиелік болашағы «тұрақты» деген бағаға ие болып, ВВВ сатысынан ВВВ+ деңгейіне дейін көтерілген.
Аталмыш агенттіктің сараптамасы бойынша, несиелік деңгейдің көтерілуіне экономикалық тұрақты өсім мен бюджеттің ішкі табысына, қалыпты сауда оңтайлылығына әсер ететін негізгі өнім – мұнай өндіру ісінің артқандығы себеп болған. Сонымен қатар, елімізге сырттан келіп жатқан шетелдік инвестицияның өскендігі де әсер еткен. «Қазақстанның тұрақты бюджет және сауда көрсеткіштері, табиғи ресурстар мен шетелдік инвестиция көрсеткіші осы деңгейге көтерілуіне түрткі болып отыр» деп мәлімдеді Standard&Poor`s агенттігі.
Қанат ЕСКЕНДІР.