• RUB:
    5.28
  • USD:
    481.63
  • EUR:
    534.46
Басты сайтқа өту
Аймақтар 22 Желтоқсан, 2017

Қарағанды аруы балалар үйіне жарты миллион теңге аударды

219 рет
көрсетілді

Тәуелсіздіктің жиырма алтыншы таңы Қарағандыдағы «Таңшолпан» балалар үйінде ғажайып түрде атты. 

Таяуда Екатерина Дворецкая есімді 19 жастағы ару «Қарағанды аруы-2017» байқауында жеңімпаз атанып, бәйгеде еншілеген жарты миллион теңге қаржыны балалар үйіндегі жетім ба­лаларға аудармаққа ниет еткен болатын. Екатерина уәдесінде тұрып, Тәуелсіздік күніне орай балаларға сыйлық жасады.

«3 жыл бұрын «Таңшолпан» балалар үйіне ерікті ретінде келген едім. Сондықтан ақша­лай сыйлықты алғаннан кейін, оны балаларға сыйлауды ұй­ғар­дым», дейді Дворецкая.

Мекеменің оқу ісі бойынша директорының орынбасары Гүлмира Майқамбаеваның сөзінше, олар сыйға берілген ақшаға фотоаппарат, музы­калық аспаптар мен үйірме жұмысына арналған материал­дар алмақ.

Айта кетейік, Дворецкая бүгінде Алматыдағы жоғары оқу орындарының бірінде ха­лық­аралық қатынастар маман­дығы бойынша білім алуда. Аталған байқауға ол Теміртау қаласының атынан қатысқан болатын.

Мирас АСАН, «Егемен Қазақстан»

Қарағанды облысы  

Соңғы жаңалықтар