Парламент Сенатының депутаттары қарашаның 12-сінен бастап еліміздің аймақтарында жүр. Елде болу 20 қарашаға дейін жалғасады.
Республика облыстарында болған кезде сенаторлардың жұртшылықпен, жергілікті атқарушы және өкілді билік активімен, шағын және орта бизнес өкілдерімен кездесулері көзделген.
Кездесулерде индустриялық-инновациялық стратегия, әлеуметтік жаңғыру, аймақтық дамуды жүзеге асыру жөніндегі мемлекеттік бағдарламаларды қолдау саласындағы заңнамаларды жетілдіру мәселелеріне ерекше назар аударылады.
Кездесулерде, сонымен қатар, Қазақстан Республикасы Тәуелсіздігінің 20 жылдығы Декларациясы жобасының негізгі ережелері түсіндірілетін болады, деп хабарлады Парламент Сенатының баспасөз қызметі.