Тұрғын үй құрылыс жинақ банкі клиенттерге қызмет көрсетуге жан-жақты қарайды. Сізге ыңғайлы болуы және ақшаңызды үнемдеу үшін «Қазақстанның тұрғын үй құрылыс жинақ банкі» АҚ «Қазпошта» АҚ және «Қазақстан Халық Банкі» АҚ-мен баспаналық қор жинау жүйесінің салымшыларына сервистік қызмет көрсету бойынша шарт жасады.
Тұрғын үй құрылыс жинақ банкі клиенттері мен салымшыларының екі мәрте жолы болды деуге болады. Енді баспаналық құрылыс жинақ қорының қатысушысы болуды тек Тұрғын үй құрылыс жинақ банкінің кеңселерінде ғана емес, Қазпошта бөлімшелерінде де жүзеге асыруға болады! Клиенттер пошталық байланыс бөлімшелерінен баспаналық құрылыс жинақ қоры жүйесі мен тарифтік бағдарламалар туралы толық көлемде кеңес ала алады. Бірақ та заем беру бойынша шешім және клиенттің төлеу қабілетін анықтау Банк құзыретінде қалады.
Яғни, Сіз баспаналық құрылыс жинақ қоры жүйесі бойынша шарт жасадыңыз және өз пәтеріңізге баспаналық заем бойынша ай сайын жарна төлеп, қаржы жинай бастадыңыз делік. Кей-кезде қажетті қаржылық операцияны жүзеге асыруға уақыт тапшы болып жатады. Мұндай уақыт тапшылығында Банк серіктестері «Қазпошта» АҚ және «Қазақстан Халық Банкі» АҚ көмекке келеді. Енді «Қазақстан Халык Банкі» төлем карточкасының және «Қазпошта» есеп кассаларының көмегімен Банк клиенттері үшін уақыт тапшылығы тарифтік бағдарлама бойынша есеп-шотты толтыру және заемды жабу үшін кедергі бола алмайды.
Банктің тарифтік бағдарлама жүйесімен танысу үшін клиенттерге айтарымыз, Банкте «Бастау», «Өркен», «Кемел» және «Болашақ» бағдарламалары бойынша баспана сатып алуға, үй салу және баспананы жөндеуге ақша жинай бастауға болады.
Жинақтау мерзімі мен төмен мөлшердегі пайыз Сіздің баспанаға ие болу арманыңызды жүзеге асырады! Жинақтау принципі оңай: аздан көпке, яғни, шамалы сомадан жинап бастап ұлғайта бересіз. Мысалы, «Бастау» – баспана алудың ең қысқа жолы, бұндағы жинақтау мерзімі 3,5 жыл, заем 6 жылға жылдық 5% беріледі (жылдық тиімді сыйақы 5,3% дейін). Ең ұзақ мерзімді бағдарлама, балаларының болашағын осы бастан ойлайтындар үшін – «Болашақ» тарифі, жинақтау мерзімі – 15 жыл. Заем 25 жылға жылдық 3,5% сыйақы мөлшерлемесімен беріледі (баспана заемының жылдық тиімді сыйақысы 3,6% дейін). Бір қалыпты, асықпай қаржы жинаймын деген клиенттер үшін «Өркен» және «Кемел» тарифтері қолайлы! «Өркен» бағдарламасындағы жинақтау мерзімі 5,5 жыл, баспаналық заемды беру уақыты 10 жылға дейін, жылдық сыйақысы 4,5% (баспана заемының жылдық тиімді сыйақысы 4,7% дейін). «Кемел» тарифтік бағдарламасының айырмашылығы жинақтау мерзімінде 8,5 жыл, ал, баспана заемы 15 жылға беріледі, жылдық сыйақысы 4% (баспана заемының жылдық тиімді сыйақысы 4,2%).
Баспаналық жинақ қоры пайда болғаннан бері қазақстандықтар өз баспана жағдайларын артық күш салмай, жоспарлы түрде шешу мүмкіндігіне ие болып отыр. Сонымен қатар, адам өмірінде болып жататын көптеген жақсылықтар да баспана мәселелерін оңтайлы тұрғыда шешуге жол беріп жатады. Мысалы, қажетті сома жоспарлаған уақыттан жылдамырақ жиналып, болмаса табыс ұлғайған жағдайда, жинақтаусыз-ақ баспана сатып алу мүмкіндіктерін туғызады. Банкте бұндай топтағы клиенттерге алдын ала және аралық несие беру қарастырылған. Бұл баспана заемдары бойынша Тұрғын үй құрылыс жинақ банкі 2011 ж. 1 шілдесінен 25 желтоқсанын қоса пайыздық мөлшерін төмендеткен. Мысалы, стандарттық аралық баспана заемы бойынша пайыз мөлшері жылына 8,5% (баспана заемының жылдық тиімді сыйақысы 17,5%). «Жеңiл» несиелеу бағдарламасы бойынша негізгі қарыздың төленуін 3 жылдан аспайтын мерзімге дейін кейінге қалдыру, пайыздық мөлшері 9,5% құрайды (тиімді жылдық сыйақы мөлшерлемесі – 15,7%).
Сондай жақсы нышан алдын ала берілетін заемдарға да қатысты. Заемның бұл түрі бойынша үдеу барысында, яғни жинақ қоры сомасының өсуіне байланысты жасалатын жеңілдіктері бар. Егер шарттағы көрсетілген соманың 0% – 25% жиналған болса, ондағы пайыздық мөлшер жылына 11% (жылдық тиімді сыйақы мөлшері – 15,1%-ға дейін). Егер клиент шартта көрсетілген соманың 25% – 50% жинаған болса, жылдық пайыздық мөлшер 10,5% болады (жылдық тиімді сыйақы мөлшері – 17,3%-ға дейін). Тұрғын үй құрылыс жинақ банкімен жұмыс істеу пайдалы және ыңғайлы. Бұл жерде Банк серіктестері – Қазпошта және Халык Банкі де өз үлестерін қосуда. Жер, ел қаншалықты кең болғанымен серіктестердің көмегімен қашықтық та, уақыт та ойды іске асыруға кедергі болмайды .
Халық Банкінің филиалдары мен пошталық байланыс жүйелері артық уақытты жоғалтпай, кесте бойынша уақытылы төлем жасап, Тұрғын үй құрылыс жинақ банкі туралы ақпарат алуға мүмкіншілік береді. Осыған байланысты шалғайдағы халық та өз болашақтарын Тұрғын үй құрылыс жинақ банкімен байланыстыру мүмкіншілігін алып отыр.
Қазпошта қызметкерлері онлайн түзімінде баспана жинақ қоры туралы шарт жасай береді, клиенттерге Тұрғын үй құрылыс жинақ банкі атынан есеп-шот аша алады, салым бойынша сыйақы мөлшерін есептеп, мемлекеттік сыйлықақыны санайды. Халық Банкінің банкоматтары жасалған төлемдерді қабылдап есепке алады. Яғни, еш кезексіз, кесте бойынша төлем жасалады. Ал, егер демалыста, шетелде болған, болмаса жұмыс жағдайы бойынша басқа қалада болғанда да Халық Банкінің көмегімен төлем жасай аласыз.
Қазірдің өзінде Тұрғын үй құрылыс жинақ қорының қатысушысы болуыңызға болады. Ең бастысы – Тұрғын үй құрылыс жинақ қоры туралы шарт жасауға қажетті құжаттардың болуы. Қажетті құжаттар: СТН/ИИН және жеке бас куәлігінің түпнұсқасы. Егер шарт балаға жасалатын болса, қосымша туу туралы куәлік керек, егер үшінші тұлғаға жасалатын болса сол адамнан сенімхат болуы керек. Әрі қарай өзіңізге қолайлы тарифтік бағдарламаны таңдайсыз: «Бастау», «Өркен», «Кемел» және «Болашақ». Әрі шартта көрсетілетін соманы анықтайсыз. Осы кезден бастап Сіз және Сіздің жақындарыңыз үшін жаңа кезең басталмақ! Тұрғын үй құрылыс жинақ банкінің серіктестерінің көмегін пайдалана отырып уақытыңыз бен қаражатыңызды үнемдейсіз!
Дина АЙКЕНОВА,
Ибрагим КАППАСОВ.
__________________
Қосымша ақпаратты «Қазақстанның тұрғын үй құрылыс жинақ банкі» АҚ-тың мына телефондары арқылы алуға болады: Алматы қ., 279-35-11, Астана қ., 40-72-76, Талдықорған қ., 24-40-48, Қарағанда қ., 43-62-02, Қызылорда қ., 26-26-64, Павлодар қ., 34-08-99, Өскемен қ., 75-48-65, Атырау қ., 32-04-00, Тараз қ., 42-58-80, Ақтөбе қ., 55-72-21, Ақтау қ., 43-96-91, Қостанай қ., 53-38-20, Петропавл қ., 46-62-26, Көкшетау қ., 32-35-60, Шымкент қ., 21-33-62, Орал қ., 54-03-33, Семей қ., 52-22-90 немесе мына сайтта www.hcsbk.kz