Жақында облыс орталығындағы мемлекеттік педагогикалық институтында кинорежиссер, Ресей халық әртісі Владимир Хотиненконың шығармашылық кездесуі өтті. Хотиненко павлодарлық. Келіп-кетіп жүргеніне қарағанда туған жерінен алыстамаған сияқты. Мәскеулік режиссер студенттерге «Достоевский. Құштарлыққа толы өмір» кинолентасы туралы әңгімелеп, шығармашылық жоспарларымен бөлісті. Тарихи фильмдер қалай түсіріледі, орыс кинематографиясының мәселесі неде, болашақта киноиндустрияны не күтіп тұрғаны жайлы айтып берді. Бұдан бұрын студенттер режиссердің «72 метр» фильмінің премьерасын көрген еді. Режиссер енді Достоевскийдің «Бесы» романы бойынша түсірілген кинофильмін студенттермен бірге келіп көретін болды.
Фарида БЫҚАЙ.
Павлодар.