Биыл еліміздің төл мерекесі – Наурыз мейрамын үздіксіз тойлап келе жатқанымызға 30 жыл толып отыр.
Тарихқа көз жүгіртсек, 1988 жылдан Алматы қаласында, республиканың көптеген аудандарында Наурыз жалпыхалықтық мейрам ретінде алғаш тойлана бастады.
Ал 1991 жылы Елбасының Жарлығымен жалпыадамдық құндылықтарды орнықтыру, сондай-ақ адам мен табиғаттың үйлесіміне қол жеткізу, оның шынайы имандылық рухында ізгілікті тазаруы мақсатында халықтық мереке ретінде мемлекеттік мәртебеге алды.
Содан бергі уақытта ұлық мерекеміз – әз-Наурыз республика халықтарының достығы мен бауырластығын нығайту, сондай-ақ ежелгі халық дәстүрлерін жандандыру жолында өзіндік ерекше символикалық мәнге ие болды.
«Қазақстан Республикасында мерекелер туралы» заңға 2009 жылы енгізілген өзгерістерге сәйкес, бұл мейрам 21-23 наурыз күндері, яғни үш күн тойланып келеді.
Наурыз – тек қана Жер-Ананың емес, Ел-Ананың да егемендік рухпен арайлап атқан әрбір таңының жаңару, жаңғыру мезгілі дер едік. Лайым солай болғай!