Қазақстан мен Швейцарияның тұрақты саяси консультацияларының үшінші раунды өтті

Қазақстандық делегация­ны Сыртқы істер министрінің орын­басары Роман Васи­лен­ко, ал швейцариялық де­ле­гацияны Швейцария Фе­де­ралдық сыртқы істер ми­нис­трлігі Мемлекеттік хат­шы­сының орынбасары Крис­тина Марти Ланг бас­қар­ды.

Тараптар кездесуде екі ел арасындағы дипломатиялық қарым-қатынастың ширек ғасырда қол жеткізілген сая­си және экономикалық ын­ты­мақтастық деңгейін жо­­ға­ры бағалап, тиім­ді әріптестікті одан әрі да­мы­туға деген өзара ни­етін рас­­тады. Швейцария Фе­де­­ралды Президенті Дорис Лёй­тхардтың 2017 жылдың та­мыз айында Астанаға жа­саған сапары және оның Қазақстан Президенті Нұр­сұл­тан Назарбаевпен өт­­кіз­­ген келіссөздері қа­ты­нас­тардың дамуына ай­тар­лық­­тай серпін бергені және ын­ты­мақтастықтың басым ба­ғыт­тарын анықтағаны атап өті­л­ді.

Осыған байланысты Бер­ндегі келіссөздердің барысын­да қаржы, фармацевтика, энер­гетика салаларындағы сау­да-экономикалық ынты­мақ­тастықты нығайтуға жә­не өңірлер арасындағы әріп­тестікті дамытуға ерекше кө­ңіл бөлінді. Бүгінде Швей­ца­рия Қазақстандағы үшінші ірі шетелдік инвестор болып табылады.

К.Ланг экономикалық ын­тымақтастықтың екіжақты шарт­­тық базасының тиім­ді­лігін, үкіметаралық комиссия жә­не іскерлік кеңес сияқты өза­ра іс-қимылдың тиісті те­тіктердің болуын атап өтті және Швейцарияның осы ба­ғыт­ты жандандыруға, нақ­ты­сын айтқанда халықаралық көліктік-инфрақұрылымдық жо­баларды іске асыруға ұм­ты­­лысын білдірді.

Р.Василенко Швейцария тарапын алдағы уақыттағы елорданың 20 жылдығы атап өті­летінін, оның аясында «Астана» халықаралық қар­жы орталығының салтанатты ашы­луы болатынын хабардар етті.

Кездесуде Астанада өт­кен Орталық Азия ел­де­рі басшыларының (кон­суль­та­тивтік) жұмыс кездесуінің қоры­тындыларын қоса ал­ғанда Орталық Азия елдері арасындағы қарқынды дамып келе жатқан диалогқа қол­дау білдірілді, сондай-ақ Ау­ғанстандағы жағдайды тұ­рақтандыруға жәрдемдесу бойынша халықаралық күш-жігер талқыланды. Осыған байланысты Қа­зақстанның 2017-2018 жыл­дар­дағы БҰҰ Қауіпсіздік Ке­ңесінің мүшесі ретіндегі үлесі, Қауіпсіздік Кеңесі де­ле­гациясының Ка­булға са­пары және осы жыл­дың қаң­тарында бұл маңызды ха­­лықаралық органда Қа­зақ­с­танның төрағалығы ке­зін­де БҰҰ Қауіпсіздік Ке­ңе­сін­де Ау­ғанстан бойын­ша пі­кір­та­ластар ұйым­дастыруы атап өтілді.

Жалпы, саяси консульта­циялар Қазақстан мен Швей­ца­рия арасындағы сая­си жә­не экономикалық ын­ты­мақтастықтың ал­дағы на­қ­ты бағыттарын ай­қын­дауға мүм­кіндік берді.

Дайындаған Жолдыбай БАЗАР,

«Егемен Қазақстан»