Астананың сол жағалауындағы «Шұбар» шағын ауданында көшелер жабылады, деп хабарлайды Астана қалалық ІІД баспасөз қызметі.
«Қазіргі таңда мердігер ұйымдар «Шұбар» шағын ауданындағы жылумен қамтамасыз ету магистраліндегі ақауды жөндеп жатыр. Апаттық-қалпына келтіру жұмыстары 27 сәуір сағат 15.00-ден 30 сәуірге дейін жүргізіледі. Осыған байланысты, Арай көшесінің Сарайшық көшесінен Ғарышкерлер көшесіне дейінгі учаскесінде автокөліктер үшін қозғалыс толықтай шектеледі», - делінген полицияның хабарламасында. Осыған орай, жүргізушілерден қозғалыс бағытын алдын ала жоспарлап алуды және көшенің баламалы учаскелерін (Ғарышкерлер көшесі, Ермеков көшесі, Тайбеков көшесі және т.б.) қолдануды сұрайды.