Биыл Оңтүстік Қазақстан облысы Мақтаарал ауданы диқандарының жұмыс қарқыны ерекше болып тұр. Ауданда 138 000 гектар егістік алқабы болса, соның 86 820 гектарына мақта шиті, қалған 27 064 гектарға бақша, 3997 гектарға көкөніс дақылдары егілген.
Агротехникалық жұмыстарды талапқа сай жүргізудің нәтижесінде өнім ойдағыдай шығып, тіпті ерте пісетін қарбыз жинала бастады. Мақтааралдық шаруалар ерте пісетін қарбызды Ресейге экспортқа жөнелтіп те үлгерді.
– Бағасы көңілге қонымды. Қарбыздың әр килосын дәнекер кәсіпкерлер 400 теңгеден сатып алып жатыр. Диқандардың еңбегі ақталуда, – дейді Мақтаарал ауданының әкімі Жамантай Бейсенбаев.
Асқар ОМАРХАНОВ
Оңтүстік Қазақстан облысы,
Мақтаарал ауданы