2018 жылдың қаңтар-мамыр айларында Қазақстанда 332 908 жеңіл автокөлік тіркелді. Бұл көрсеткіш 2017 жылдың сәйкес маусымымен салыстырғанда 67,9 пайызға көп, деп хабарлайды Ұлттық экономика министрлігінің Статистика комитеті.
Үстіміздегі жылдың 1 маусымындағы жағдай бойынша Қазақстанда тіркелген жеңіл автокөліктер саны 3828,9 мың бірлікті құрады.
Аталған мерзімде 5565 жол-көлік оқиғалары тіркелген. Бұл өткен жылмен салыстырғанда 3 пайызға кем. Жол апаттарынан зардап шеккендер саны - 7800 адам.
Осы жылдың 1 маусымында көлік құралдары иелерінің азаматтық-құқықтық жауапкершілігін міндетті сақтандырумен айналысатын сақтандыру ұйымдары 10,1 млрд теңге көлемінде 28 032 төлем жасаған.