Ежелгі Олимпиядағы Пелопоннес аралында – алғашқы олимпиада ойындары туған жерде грек-неміс археологтері тарихи жәдігерге тап болды. Археологиялық жұмыстар кезінде Гомердің «Одиссея» дастанының үзіндісі жазылған топырақ тақтайшасы табылған.
Тақтайшада «Одиссеяның» XIV рапсодиясының он үш жолы Итака патшасы Одиссейдің сенімді досы Эвмейге қарата айтылған сөзі жазылған. Археологтердің айтуынша, біздің заманымызға дейінгі III дәуірге тиесілі жәдігер Грецияны римдіктер билеген уақыттан қалған. Қазірдің өзінде бұл жәдігер археологиялық, эпиграфиялық, әдеби, тарихи құнды экспонат ретінде бағаланып отыр.
Бағашар ТҰРСЫНБАЙҰЛЫ,
«Егемен Қазақстан»