Лауазымды және мемлекеттік міндеттерді атқаруға өкілеттік берілген адамдарға және соларға теңестірілген адамдарға (өз қызметін тұрақты емес немесе басқа жұмыстан босатылған негізде жүзеге асыратын мәслихат депутаттарын, сондай-ақ «Сыбайлас жемқорлыққа қарсы күрес туралы» Заңның 3-бабы 3-тармағының 2) және 4) тармақшаларында аталған адамдарды қоспағанда) педагогтік, ғылыми және өзге де шығармашылық қызметтен басқа ақы төленетін қызметпен айналысуға тыйым салынады.
Осы баптың 1-тармағында аталған адамдардың кәсіпкерлік қызметпен айналысуына, егер шаруашылық жүргізуші субъектіні басқару немесе басқаруға қатысу заңдарға сәйкес оның қызметтік міндетіне кірмейтін болса, шаруашылық жүргізуші субъектіні басқаруға дербес қатысуына, материалдық игіліктер алу мақсатымен өзінің қызметтік өкілеттігін заңсыз пайдалану арқылы ұйымдардың немесе жеке адамдардың материалдық мүдделерін қанағаттандыруға жәрдемдесуіне тыйым салынады.
Осы баптың 1-тармағында аталған адамдар қызметке кіріскеннен кейінгі бір айдың ішінде өздеріне тиесілі, пайдаланылуы табыс табуға жеткізетін мүлікті Қазақстан Республикасының заңдарында белгіленген тәртіппен осы жұмыстарды атқару кезеңіне сенімді басқаруға беруге міндетті, бұған сол адамдарға заңды түрде тиесілі ақша, сондай-ақ мүліктік жалға берілген өзге де мүлік қосылмайды.
Осы баптың 1-тармағында аталған, осы міндеттерді атқарумен сыйыспайтын қызметпен айналысатын адамдар жұмыстан шығарылуға тиіс. Аталған міндеттерді атқарумен сыйыспайтын қызметпен айналысуына байланысты жұмыстан босатылған адамға немесе оған теңестірілген адамға ондай міндеттерді атқаруға қайталап өкілеттік берілмейді, деп хабарлады Алматы ауданы бойынша салық басқармасының жеке тұлғалардың ақпаратын қабылдау және өңдеу орталығы.
АСТАНА.