Палембангта өтіп жатқан Азия ойындарында академиялық есуден қазақстандық спортшылардың барлығы келесі кезеңге өтті.
ҚР ҰОК-нің баспаөз қызметі мәлім еткендей, бүгін сынға түскен қазақстандық спортшылардың барлығы келесі кезеңге өтті. Ерлер арасындағы жекелей сында Иван Эксузиди 6-шы орынды иеленді.
Ал әйелдер арасында Алина Мочула төртінші нәтижені көрсетіп, финалдық кезеңге өтті. Виталий Васильев, Григорий Феклистов, Анастас Шашков және Евгений Тацей төрттігі 6-шы орыннан көрініп, олар да финалдық кезеңге өтті. Мария Пойда, Александра Опачанова, Светлана Германович және Виктория Чепикова іріктеу кезеңін бірінші орынмен аяқтады.