«Барселона» шабуылшысы Лионель Месси жарақатына байланысты 28 қазанда Мадридтің «Реал» командасына қарсы өтетін кездесуде алаңға шыға алмайтын болды. Бұл туралы клубтың ресми сайты мәлімдеді.
Осылайша, «Барселона» және «Реал» арасындағы биылғы «Эл-Класико» 11 жылдан кейін бірінші рет Лионель Месси мен Криштиану Роналдудың қатысуынсыз өтпек. Португалиялық футболшы 2018 жылдың жазында «Ювентус» клубына ауысқан болатын.
Айта кетейік, Месси «Эл-Класико» тарихында ең үздік сұрмерген футболшы саналады. Ол бүгінге дейін 18 гол соққан.
Дайындаған Әли БИТӨРЕ,
«Егемен Қазақстан»