Кеншілер астанасында дәстүрлі «Қарағанды аруы-2018» байқауы өтіп, онда бақ сынаған 19 сұлудың арасында Дариға Сақбосынованың басым болды.
Қарағандының бірінші вице-аруы болып Эвелина Филимонова танылса, екінші жүлде Кристина Гусеваға, ал жүлделі үшінші орын Ақерке Жұматоваға бұйырды.
Дариға Сақбосынова Қарағандыдағы «Лингва» колледжінің 3-курсында оқиды. Болашақ мамандығы – аудармашы. Он жеті жастағы ару қыз спортпен айналысқанды ұнатады: волейбол ойнап, жаттығу залында уақытының көбін өткізеді. Алдына зор мақсат қойған ол «Әлем аруы» конкурсында топ жаруды армандайды.
Қайрат ӘБІЛДА,
«Егемен Қазақстан»
Қарағанды