Бейсенбі, 2 ақпан 2012 8:22
Президент Жолдауында өткен 2011 жылы ел экономикасы 7,5 пайызға өскені, ішкі жалпы өнім жан басына шаққанда 11 мың доллардан асқаны атап айтылды. Осы істе елеулі орны бар мәселе – бизнес жүргізуге жасалған жақсы жағдай. Нұрсұлтан Назарбаев бұл жайында: «Кәсіпорындардың бизнесті жауапкершілікпен жүргізудің қағидаттарын сақтауын ынталандырудың стратегиясын жасап, жүзеге асыру бойынша ұлттық байланыс орталықтарын құру қажет», деген болатын.
Бейсенбі, 2 ақпан 2012 8:22
Президент Жолдауында өткен 2011 жылы ел экономикасы 7,5 пайызға өскені, ішкі жалпы өнім жан басына шаққанда 11 мың доллардан асқаны атап айтылды. Осы істе елеулі орны бар мәселе – бизнес жүргізуге жасалған жақсы жағдай. Нұрсұлтан Назарбаев бұл жайында: «Кәсіпорындардың бизнесті жауапкершілікпен жүргізудің қағидаттарын сақтауын ынталандырудың стратегиясын жасап, жүзеге асыру бойынша ұлттық байланыс орталықтарын құру қажет», деген болатын.
Қазақстанның бизнес саласындағы ізденістері халықаралық ауқымда да қызығушылық туғызуда. Осыдан 2 күн бұрын, Мәскеуден шығатын «Ведомости» газетінде Ресей Премьер-Министрі Владимир Путин өзінің «Бізге жаңа экономика керек» деп аталатын мақаласын жариялады. Мақалада бұл мәселеге байланысты былай делінген: «Біз осы жылдың 1 қаңтарынан бастап біртұтас экономикалық кеңістік режіміне енген көршілес Қазақстанның үлгісі назар аударарлық. Қазір бұл ел, Бүкіләлемдік банктің бағалауына сәйкес, тұтастай алғанда бизнеске жасалған жағдай бойынша 47-ші орында тұр, ал Ресейдің орны – 120-шы. Бірнеше жылдың ішінде бизнес жүргізуге жайлылықты анықтайтын барлық көрсеткіштер бойынша бізбен салыстыруға келетін елдердің үздік көрсеткіштеріне жақындау міндетін қоюды ұсынамын».