Биыл көктемде елордада машина жасау саласына қатысты ең ірі әрі маңызды шаралардың бірі өтпек. Бұл – мемлекет пен өндіріс өкілдері бір үстел басына жиналатын, саланың ертеңі талқыланатын үлкен алаң, деп жазады Egemen.kz.
2026 жылғы 2-3 сәуір күндері Астанада Қазақстан машина жасаушыларының XIII форумы өтеді. Бұл форум – машина жасау мен өңдеу өнеркәсібіне тікелей қатысы бар барлық тарап үшін негізгі диалог орны. Мұнда мемлекет пен бизнес ашық сөйлесіп, саланың қай бағытта дамуы керек екенін бірге айқындайды.
Қазақстанның машина жасау саласы рекордтық өсім көрсетті
Форумда нақты әрі маңызды тақырыптар қозғалады. Мемлекеттік өнеркәсіптік саясат қалай іске асуы керек, импортты алмастыруды қалай қолдау қажет, өндірісті технологиялық тұрғыдан жаңғырту жолдары қандай, отандық зауыттар мен кәсіпорындардың бәсекеге қабілетін қалай күшейтуге болады – осының бәрі жан-жақты талқыланады.
Көлік қатынасындағы нәтижелі жұмыстар
Іс-шараға 1 000-нан астам адам қатысады. Олардың қатарында 20-дан астам елден келетін мемлекеттік органдардың өкілдері, бизнес-қоғамдастық, ірі тұтынушылар және машина жасау өнімдерін шығаратын жетекші компаниялар бар.
Форуммен қатар тағы бір ірі оқиға өтеді. 2026 жылғы 1-3 сәуір аралығында Астанадағы «EXPO» халықаралық көрме орталығында «KAZAKHSTAN MACHINERY FAIR 2026» атты халықаралық мамандандырылған көрме ұйымдастырылады. Көрмеде машина жасау саласының әртүрлі бағыттарына арналған заманауи технологиялар, жабдықтар мен нақты өндірістік шешімдер ұсынылады.