Жартылай орта салмақта өнер көрсететін қазақстандық боксшы Данияр Елеусінов (6-0, 3 КО) кәсіпқой рингтегі алтыншы жекпе-жегін өткізді, деп xабарлайды Prosports.kz сайты.
Филадельфиядағы жекпе-жекте ол мексикалық Сильверио Ортиспен (37-24, 18 КО) кездескен. Қарсыластар сегіз раунд бойы жұдырықтасты. Данияр кездесу бойы басымдықта болып, жетінші раундта қарсыласын нокдаунға түсірді.
Осылайша, жеңіс төрешілер шешімімен Елеусіновке берілді – 79:70, 79:71 және 79:71.
Данияр Елеусінов кәсіпқой бокста өткізген алтыншы жекпе-жегінің бәрін жеңіспен аяқтады.