Жапонияның Йокогама қаласында үстел теннисінен Азия кубогі өтіп жатыр. Аталған бәсекеге Қазақстан атынан қатысқан Кирилл Герасименко қатысып, 10-шы орыннан көрінді деп жазады Olympic.kz.
Кирилл алғашқы матчта Оңтүстік Корея спортшысын жеңген болатын. Өкінішке қарай, топтық кезеңдегі екі кездесуде 1:3 есебімен әлем чемпионы, қытайлық Фан Жендонг пен Гонконг өкілі Вон Чун Тинге есе жіберді.
Ширек финалға өту үшін Кирилл әлемдік рейтингте 28-ші сатыда тұрған спортшы, үндістандық Сатхиян Гнанасекараннен ұтуы тиіс еді. Алайда, біздің спортшының қарсыласқа шамасы жетпеді.
Осылайша, қазақстандық спортшы үстел теннисінен Азия кубогін 10-шы орында аяқтап отыр.