Сенбі, 7 сәуір 2012 7:57
Құқық қорғаушылар үшін ең басты талап бейбіт адамдардың берекесін алатын қылмыстың бетін ашып, нақақ зардап шеккендердің конституциялық құқын қамтамасыз етіп, заңдылықты орнату болып табылады. Бұл орайда Астана қалалық ІІД қызметкерлерінің арасында антына адалдық танытып, адамдардың құқын қорғауда айрықша көзге түсіп жүргендері баршылық. Ал олардың бейбіт күнде жасаған ерлігі елдің ризашылығын тудырып отыр. Мәселен, солардың бірқатары ретінде атар болсақ, таяуда Президент Жарлығымен полиция старшинасы Несіпбек Нәкішов пен полиция аға сержанты Рахат Әбдиев «Ерлігі үшін» медалімен марапатталды. Ел Тәуелсіздігінің 20 жылдық мерекесіне орай Астана қаласы ІІД бастығы, полиция генерал-майоры Амантай Әубәкіров жол сақшыларына бұл марапатты салтанатты түрде табыс етті.
Сенбі, 7 сәуір 2012 7:57
Құқық қорғаушылар үшін ең басты талап бейбіт адамдардың берекесін алатын қылмыстың бетін ашып, нақақ зардап шеккендердің конституциялық құқын қамтамасыз етіп, заңдылықты орнату болып табылады. Бұл орайда Астана қалалық ІІД қызметкерлерінің арасында антына адалдық танытып, адамдардың құқын қорғауда айрықша көзге түсіп жүргендері баршылық. Ал олардың бейбіт күнде жасаған ерлігі елдің ризашылығын тудырып отыр. Мәселен, солардың бірқатары ретінде атар болсақ, таяуда Президент Жарлығымен полиция старшинасы Несіпбек Нәкішов пен полиция аға сержанты Рахат Әбдиев «Ерлігі үшін» медалімен марапатталды. Ел Тәуелсіздігінің 20 жылдық мерекесіне орай Астана қаласы ІІД бастығы, полиция генерал-майоры Амантай Әубәкіров жол сақшыларына бұл марапатты салтанатты түрде табыс етті.
Мұндай құрметке қос полицей әскери және қызметтік міндеттерін тиісті дәрежеде атқара алғандығы мен адам өмірін сақтап қалуда ерлік пен қайсарлық көрсету арқасында жетті. Бұлар сол күні кезекшілікте жүрген. Кенеттен аспанмен астасқан көп қабатты үйлердің бірінде газ баллоны жарылып, үшінші қабатта орналасқан екі пәтерден өрт шыққан кезде отқа оранған үйге демдерін ішке тарта жылдамдата кіріп, ең алдымен балалар мен әйелдерді көрпеге орап шығара бастады. Сонан кейін қалған пәтерлердегі тұрғындарды шығарып, ауруханаға жеткізді.
Дәл осы салтанатты жиында Алматы аудандық ІІБ жедел уәкілі, полиция аға лейтенанты Евгений Голотойстров та генералдың қолынан награда алды. Ол өткен жылдың шілдесінде қоғамдық тәртіпті бұзған қылмыстық топтың жолын кескен болатын. Күдікті Евгенийді ауыр жаралап үлгерсе де, полиция қызметкері оның адымын ұзартпады. Аса ауыр қылмыскерді құрықтауда ерлік көрсеткені үшін Ішкі істер министрінің бұйрығымен Евгений Голотойстровқа «Құқық тәртібін қамтамасыз етуде үздік шыққаны үшін» медалі табыс етілді.
Сонымен қатар, полиция генерал-майоры А.Әубәкіров патрульдік полиция полкінің екі қызметкері – Жәнібек Әбдірәшитов пен Марат Рахымжановқа алғыс жариялады. «Бұл жігіттер полицияда қызмет атқаруға нағыз лайықты азаматтар», – деді ІІД басшысы. Себебі, олар да оқалы киімді текке киіп жүрмегендерін дәлелдеді. Күн мұңартып, көңілге мұң ұялап тұрған бір күндері өз міндеттерін атқарып жүрген олар көпір үстінде құлазып тұрған қызды көреді. Мынадай бейуақ сәтте көпірдің жағасына келіп дағдарып тұру бір қауіптің боларын сездіргендей еді. Сөйткенше болған жоқ әлгі бойжеткен биіктен құлап, мұздай суға құлдилай жөнелді. Оның соңынан ойланбастан секірген полиция қызметкерлері өз өміріне қол салмақ болған бойжеткеннің суға батуына жол бермей дереу жағаға алып шықты. Әйтпесе, малтуды да білмейтін қайран қыз бірден-ақ су түбіне шөгуі мүмкін еді. Азаматтарды құтқарып қалуда өз өмірін тәуекелге тігіп батылдық танытқаны үшін патрульдік полиция қызметкерлеріне «Құқық тәртібін қамтамасыз етуде үздік шыққаны үшін» медалі, ІІМ грамотасы мен Астана қаласы ІІД бастығының алғыс хаты табысталды.
Әрине, полицияның негізгі міндеті қоғамдық орындарда құқық тәртібін қамтамасыз ету мен бейбіт адамдарды қылмыскерлерден қорғау екені белгілі. Міне, солардың бірі кешкі уақытта қала көшесінде патрульде жүрген жол полициясының қызметкерлері 5 қабатты тұрғын үйден қатты жарылғыш заттың дыбысын естиді. Тез арада оқиға орнына жеткен олар алдымен тұрғындарды қауіпсіз аймаққа шығарып, төтенше жағдай қызметі мен жедел жәрдем шақырады.
Тұрғын үйдегі жарылыс пәтерлердің біріндегі газдың шығу салдарынан болған. Жарылыс толқынынан көрші пәтердің қабырғасы құлап, ол жақтан баланың жылаған дауысы естілді. Кез келген әрекеттің қайғылы жағдайға соқтыратынын білетін полиция қызметкерлері өртке оранған үйге кіріп, жас бала мен қарт әйелді алып шығады. Сонан соң өзге тұрғындарды біртіндеп шығара бастайды.
Ал Жұмабаев көшесінің бойындағы үйлердің бірінде өрт шыққанда, сол маңда жүрген патрульдік полиция полкінің қызметкерлері кіші сержант Мирас Қабдышев, тәжірибеден енді ғана өтіп жүрген Әділет Ысқақов оқиға орнына бірінші болып жетті. Оларға патрульдік полиция полкінің аға сержанты Талғат Қолшыбаев қосылды. Сөйтіп полиция қызметкерлері кіреберіс дәлізге енгенде 5-қабатта лифтінің жанып жатқандығын аңғарды. Әуелі бірден өрт сөндіру, жедел жәрдем қызметін шақырған олар жедел тұрғындарды тысқа шығаруға кірісті. Өрттің қою түтіні кіреберісті орап, тұрғындардың өміріне қауіп төне бастайды. Сонан батылдық әрекетке барған полиция қызметкерлері тез арада тұрғындарды шырт ұйқыдан оятып, тысқа алып шығады. Өрттің түтінінен 5-қабатта тұратын қария есінен танып қалған. Полиция қызметкерлері қарияны көтеріп бірінші қабатқа жеткізіп, дәрігерлердің қарауына тапсырады.
Міне, астаналық сақшылардың мұндай ерлігін айта берсе, адам жаны рухтанып, игі істерінен нұрлана түседі. Ал елордалық полицейлердің бейбіт күндегі ерлік істерінің көбейе түскендігі де жалпы Астана қаласының ІІД қызметінің жолға қойылуынан десек, артық айтқандық емес. Мәселен, Астана қаласының ІІД жедел басқару орталығы қайта түлеп, жаңарған және қайта жарақтанған мекемеге айналды. ЖБО қайта жасалған жөндеу жұмыстарынан соң орталықтың тиімді және қолайлы жұмыс атқаруына барлық жағдай жасалып, өз жұмысын әрі қарай жетілдіруде. Бос орындар қосымша жұмыс тетіктеріне айналып, компьютерлер мен техника жаңартылды.
Бейнебақылау жүйесінің техникалық жабдықталуы полиция қызметкерлеріне бейнемониторинг жағдайы және әртүрлі нысандарды бақылауда ғана емес, қаладағы қоғамдық қауіпсіздікті сақтауда және интеллектуалды сараптама жүргізуді қолдана отырып, қала инфрақұрылымының қауіпсіздігін қамтамасыз етуде қолұшын береді. Бейнесараптама және бейнебақылау жүйесі көшелер мен алаңдарды қоса алғанда қоғамдық орындардағы жағдайды үнемі бақылауға, тоннелдер мен айналма жолды қоса алғанда автокөлік құралдарының қозғалысын бақылау, жол қозғалысы ережелерін бұзу фактілерін автоматты түрде тіркеу, қалаға автокөліктердің кіру, шығуы мен автомобильдердің көлік ағынында жол қозғалысы ережесін бұзған, іздеуде жүрген, айдап әкетілген көліктерді анықтауды жүзеге асырады.
Сонымен қатар «Интегра» интеллектуалды жүйесі іске қосылса, оның негізгі мақсаты бағдаршамның тыйым салынған белгісіне өту және жолдың жалпы сызығын қию, қарсы бағытқа шығу, т.б. жол қозғалысы ережесін бұзу фактілерін автоматты түрде анықтап отырады. Анықталған ақпараттар процессинг орталығына жіберіліп, жол ережесін бұзушыларға әкімшілік айыппұл төлейтіндігі туралы хаттамалар жөнелтіледі. Мәселен, 2011 жылдың 5 қыркүйегі мен 5 желтоқсан аралығындағы «Интегра» интеллектуалды жүйесімен анықталып төленген айыппұлдың көлемі 22 млн. теңгені құрап отыр.
Жедел басқару орталығының бейнебақылау операторлары адамдардың көп шоғырланатын жерлері мен өзінің әкімшілік территориясын бақылай алады. Қылмыстың орын алуын және құқық бұзушылықты анықтаған жағдайда оқиға орнына арнайы жасақты жіберу үшін топ офицеріне хабар түседі. Қазіргі уақытта Астанада қоғамдық орындар мен жол айырықтарында, үй аулалары мен ІІО территорияларына қойылған 420 сыртқы камера жұмыс істейді. Осы бейнебақылау жүйесінің көмегімен өткен жылдың 11 айында 121 қылмыс ашылып, 24 905 әкімшілік құқық бұзушылық дерегі анықталды. Міне, осылайша елордалық полицейлердің ісі тыныштық пен қауіпсіздіктің үлгісіне айналуда.
Александр ТАСБОЛАТОВ.