Қазақстан Республикасының Президенті Қасым-Жомарт Тоқаев өзінің кемел ойлы, кең тынысты кемеңгерлігін, шешімділігін, біліктілігін тағы да танытты. Еліміз үшін тағдырлы кезеңде халық күткен шешім қабылдады. Президенттің кезектен тыс сайлауы 9 маусымға тағайындады. Ғарыштық жылдамдықпен дамып бара жатқан мына алмағайып заман, бұлыңғыр кезеңде дара туған дарындар уақыттың алдын орап, жедел әрекет жасайды. Президенттің кезектен тыс сайлауы туралы Жарлық сондай көрегендіктің керемет көрінісі. Уақыт ырғалып, жырғалуды күтпейді.
Қазақстан Республикасының Президентін сайлау күнін белгілерде Қасым-Жомарт Тоқаев Тұңғыш Президент-Елбасы Нұрсұлтан Назарбаевпен ақылдасып, қос палатаның спикерлерімен, Премьер-Министрмен кеңесіп, партия жетекшілерімен кездесіп, Конституциялық Кеңестің келісіміне жүгініп, өзінің жеті емес, жетпіс рет өлшеп бір кесетін шешімді, келісімді кемеңгерлігін тағы да танытты.
– Ырыс қайда барасың?
– Ынтымаққа.
– Бақыт қайда барасың?– Бірлікке!. – дейді ескіден жеткен есті сөз. Біз ынтымақ, бірлігі жарасқан елміз. Көшбасшысы кемеңгер, елі еңбеккер болса, онда алынбайтын асу жоқ.
Халқын ойлаған қашанда ұлы. Біздің Елбасымыз Н.Ә.Назарбаев та, Президентіміз Қасым-Жомарт Тоқаев та ел бағына туған сондай тұлғалар! Алла Тағала Алашқа нұрын төгіп тұр, маңдайынан сүйіп тұр. Еліміз аман, жұртымыз тыныш болсын! Сәбит ДОСАНОВ,
жазушы, Мемлекеттік сыйлықтың лауреаты,
АЛМАТЫ