Қылмыстық ахуал қалыпты

Сәрсенбі, 6 маусым 2012 7:06

Бас прокуратураның Құқықтық статистика және арнайы есепке алужөніндегі комитеті 2012 жылдың 5 айында елдегі тіркелген қылмысдеңгейі өткен жылдың осындай кезеңімен салыс­тырғанда 78,0%, оныңішінде ауыр қылмыс 27,0 % өскендігін хабарлады.

Оның сыры бұрын есептен не­ғұрлым көбірек жасырылатын қыл­мыс түрлерінің көрсеткіші енді нақ­ты қосылған көрінеді. Мәселен, ұр­лық – 102,6% (34 775-тен 70 454-ке), бұза­қы­лық – 127,2% (2 851-ден 6 478), алаяқтық – 88,2% (4 415-тен 8 309-ға), тонау – 48,2% (5 855-тен 8 677-ге) өскендігі ескерілген. Сөйтіп, қыл­мыс­тардың бұл түрлері жалпы тір­кел­ген қылмыстардың 83%-ын құ­рай­ды. Оның ішінде аса ауыр қыл­мыс түр­лері 1,3%, ауыр – 11,7%, ауыр­лығы ор­таша 79,2%, аса ауыр емес 7,8% болып отыр. Еліміздің бар­лық аймақ­та­рында қылмыстың мұндай өсу дең­гейін биылдан бастап құқық қорғау органдарында арыз бен өтініштердің барлық түрін бір­ыңғай тіркеудің ен­гізілуімен, сон­дай-ақ қылмыстарды, оның ішінде орташа және жеңіл қылмыстарды ашудағы көрсеткіш қуу үрдісінен бас тартумен түсіндіруге болады.

 Жалпы еліміздегі қылмыстылық ахуалы қалыпты деуге болады. Өйт­кені ауыр қылмыстар деңгейі 2,8%, кісі өлтіру 3,6% төмендеді. Сөйтіп, тіркеудің ашықтығы мен қылмыстың ашылу көрсеткішін көтермелеуге мүдделіліктің жоқтығы қылмыс­тар­ды тіркеудің нақтылығын қамтама­сыз етті, деп хабарлады Бас Про­ку­ратураның Құқықтық статистика және арнайы есепке алу жөніндегі комитетінің баспасөз қызметі.