Президент Қасым-Жомарт Тоқаев биылғы 9 сәуірде елімізге және әрқайсысымызға қатысты аса маңызды Үндеу жариялады. Оның бұл шешімі еліміздегі тұрақтылықты сақтап қалу үшін жасалған тарихи оқиға. Кезектен тыс өтетін Президент сайлауы тек қазақстандықтар үшін ғана емес, сондай-ақ біздегі көптеген инвесторлар үшін де ұтымды қадам болып отыр.
Конституцияға сәйкес Мемлекет басшысының осындай тарихи шешім қабылдауы елдегі тұрақтылық пен бейбітшіліктің сенімді кепілі болмақ. Президент Қасым-Жомарт Тоқаев Елбасымен, Конституциялық кеңеспен, Парламент палаталарының спикерлерімен және саяси партиялардың басшыларымен кеңесе отырып шешім қабылдады. Еліміздегі биліктің осылайша ауысуы тұрақтылыққа бастайтын жол деп есептеймін.
Президент сайлауы көп күттірмейтін іс. Демократиялық түрде сайланған Президент ел басқарса орынды болады. Ел таңдаған Мемлекет басшысы халықтың сенімді мандатына айналады.
Анар ЖАЙЫЛҒАНОВА,
Парламент Мәжілісінің депутаты