Португалияның Мадейра аралында туристік автобус апатынан 29 адам қаза тауып, 27 адам зардап шекті. Қаза болғандардың барлығы дерлік Германиядан келген туристер.
Оқиға сәрсенбі күні сағат 18.30-да болған. Жүргізуші автобусты басқара алмай қалған. Автобус жолдан шығып, үйдің төбесіне құлап кеткен. Жергілікті БАҚ автобуста 51-ден 55-ке дейін адам болғанын хабарлады.
Португалия премьері Антониу Кошта Twitter-де қаза болғандардың отбасыларына, сондай-ақ, Германия канцлері Ангела Меркельге көңіл айтты.