Қазақстан халқы Ассамблеясының, Елбасының ұстанымы – елдің ынтымағы, қоғамның бірлігі. Елбасының ел үшін, туған жер үшін сіңіріп жатқан еңбегі ерен. Тыныштықты ту еткен халықтың бірлігі мызғымайды. Ол бірлікті бір ұяда қанаты қатайған балапандай болған, тонның ішкі астарындай бір-біріне етене жақын, ауыр кезеңдерді басынан бірге өткізген ата-бабаларымыздан үлгі алған ұрпақ қана сақтайды.
Бүгінгі тарихымызды ертеңгі ұрпақ «менің тарихым» деп танығаны маңызды. Өйткені тағдырлас халықтардың қилы кезеңдерде келгені белгілі. Оларды қазақ халқы құшағын ашып, бауырына тартқан. Бүгінгі таңда қазақ халқының аясында ынтымағы жарасқан ел атанып отырмыз. Осының барлығын менің тарихым деп қарауы үшін татулық пен бірлікті ту етіп, нақты істермен болашаққа қадам жасау керек.
Әлемде бейбітшілік орнағанын қаласақ, өз еліміздегі ынтымағымызды сақтай білгеніміз жөн.
Бақытбек СМАҒҰЛ, Парламент Мәжілісінің депутаты