Алматыда Үндістан, Беларусь, Қырғызстан, Тәжікстан, Өзбекстан және Қазақстан жеңіл атлеттерінің қатысуымен өткен Eurasian Athletics Meeting U-20 халықаралық турнирі аяқталды.
Осы жарыста Қазақстан құрамасы 9 алтын, 13 күміс және 9 қола медальді иеленді. Нәтижесінде 254 ұпайды қоржынға салған жерлестеріміз жалпы командалық есепте бас жүлдені олжалады. Екінші орында – Өзбекстан. «Ала тақиялы» ағайындарымыз 184 ұпайды еншіледі. 115 ұпайды олжалаған Тәжікстанның спортшылары үшінші сатыға жайғасты. Одан кейінгі орындарға Қырғызстан (112 ұпай), Үндістан (77 ұпай) және Беларусь (75 ұпай) орналасты.