24 сағат

Сәрсенбі, 24 сәуір 2013 2:47

Белоруссияда Ресейдің әс­кери авиабазасы құрылатын болады. Бұл туралы Белорус­сия президенті Александр Лука­шенкомен кездесуі кезінде Ресей қорғаныс министрі Сер­гей Шойгу мәлімдеді.

Сәрсенбі, 24 сәуір 2013 2:47

Белоруссияда Ресейдің әс­кери авиабазасы құрылатын болады. Бұл туралы Белорус­сия президенті Александр Лука­шенкомен кездесуі кезінде Ресей қорғаныс министрі Сер­гей Шойгу мәлімдеді.

Оңтүстік Кореяның қор­ға­ныс министрі Ким Кван Чжин­нің атына келген хаттан ақ ұнтақ табылған болатын. Са­рап­шылар оның бидай ұны екенін анықтады. Елдің құқық қорғау органдары бұл іс бойынша тексеруді жалғастырып жатыр.

АҚШ-тың Бостон қала­сын­дағы дәстүрлі марафон кезінде лаңкестік ұйымдастырды деп тұтқындалған ағайындылардың бірі Джохар Царнаев лаңкестікке идеялық жағынан рух беруші қаза тапқан ағасы екенін айтыпты.

Президенттік сайлауда Ни­колас Мадуродан жеңілген Венесуэланың бірлескен оп­позициясының серкесі Энрике Каприлес елде жаңа сайлау өткізуді талап етіп отыр.

Еуроодақ кеңесі Малиге әскери техника беру туралы ұсынысты қолдады. Бүгінде Малиде Франциядан, сондай-ақ Батыс Африка елдері эко­но­микалық қоғамдастығы мем­лекеттерінен 4 мың шамасында әскерилер шоғырландырылған.

Иран президенті Махмұд Ахмадинежад ықпалды адамдардан алдағы маусым айында өтетін президенттік сайлау қарсаңында елдегі саяси жағдайды ушықтырмауға ша­қырған ескерту алғанын хабарлады. Ол президент орын­тағында екі мерзім отыр­ғандықтан, үшіншісіне қатыса алмайтыны белгілі.

Қарулы бүлікшілер Си­рияның солтүстігіндегі Алеп­по провинциясында гуманитарлық миссия өткізу кезінде жергілікті екі архиепископты ұрлап кеткен.

Ауғанстанда бір ай ішінде 467 содыр өлтіріліпті. Бұл ту­ралы Ауғанстан қорғаныс ми­нистрлігінің баспасөз хатшысы Захир Азими хабарлады. Ауған әскерлері соңғы бір ай бедерінде елдің әр түкпірінде 2 мың 209 тазалау және 622 әскери операциясын жүргізсе керек.

Үндістан сыртқы істер министрлігі кеше мәлімдеме таратып, онда Гималайдағы талас тудырып отырған аймақта Қытай армиясының постын орналастыруына байланысты наразылық білдірді.

Иракта үкімет күштері мен сүннит көтерілісшілерінің ара­сындағы қақтығыс салдарынан 27 адам қаза тапса, тағы 70-і жараланған. Ирак әскерилері екі солдатынан айырылған. Ал «Әл-Арабия» тілшісі жүздеген адам қаза тапты деп мәлімдеп отыр.

Канада полициясы жолау­шылар пойызындағы лаң­кестіктің алдын алған. Кү­дікті деп табылған екі адам ұс­талған.

Нидерланды сыртқы істер ми­нистрлігінің бұрынғы қызметкері Раймонд Путерай Ресейдің пайдасына жансыздық жасады деген айыппен 12 жылға сотталды.

Ақпарат агенттіктері материалдарының 

негізінде әзірленді.