Талдау қорытындысы бойынша еңбек инспекцияларының ведомстволық әлсіз бақылауы, мемлекеттік корпорацияның филиалдары мен мемлекеттік әлеуметтік сақтандыру қорының Әлеуметтік және зейнетақы төлемдерін тағайындау және аудару мәселелері бойынша бақылауының болмауы, медициналық-әлеуметтік сараптама жүргізу кезіндегі мүдделер қақтығысы және тағы басқа да жүйелі проблемалар анықталды. Сонымен қатар нәтижелі жұмыспен қамтудың және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасын іске асыру кезінде еңбек нарығының қажеттілігін сапасыз болжау және қысқа мерзімді кәсіптік оқытуға, жастар тәжірибесіне, әлеуметтік жұмыс орындарына заңсыз орналастыруды дер кезінде анықтау және болдырмау тетіктерінің жоқтығы белгілі болды.
Жиында Олжас Бектенов: «Министрлікке, Комитетке және жергілікті атқарушы органдарға халықты әлеуметтік қорғауды қамтамасыз ету бойынша үлкен мемлекеттік міндеттер сеніп тапсырылды. Менің ойымша, бұл жерде үлкен жүректі және лайықты адамдар жұмыс істеуі тиіс», деді.
Ұжымға профилактикалық әсерді күшейту үшін әлеуметтік қорғау және халықты жұмыспен қамту саласындағы сыбайлас жемқорлық құқық бұзушылықтар бойынша қылмыстық жауапкершілікке тартылған адамдар туралы бейнеролик көрсетілді. Басқосуда О.Бектенов атаулы әлеуметтік көмекті негізсіз төлеуді анықтау бойынша жұмыстар жүргізіліп жатқанын атап өтті. «Егемен-ақпарат»