Қостанайдың «Тобыл» футбол клубының бас бапкері Владимир Газзаев Еуропа лигасындағы команданың сәтсіз өнер көрсетуіне байланысты өз еркімен жұмысынан кетті. Бұл туралы клубтың баспасөз қызметі хабарлады.
«Қостанай футбол клубының тізгінін ұстаған Владимир Газзаев өз еркімен отставкаға кетті. Сонымен қатар оның көмекшісі Николай Латыш та жұмыстан шықты. «Тобыл» командасы Владимир Газзаев пен оның бапкерлік штабына алғыс айтады», дейді клубтың баспасөз қызметі.
Айта кетейік, ресейлік маман «Тобылға» 2018 жылдың желтоқсан айында келген болатын. Команда оның жетекшілігімен Қазақстан кубогының жартылай финалына дейін жетті. Сондай-ақ «Тобыл» қазіргі уақытта ел чемпионатының 19-турынан кейін 39 ұпаймен көш бастап келеді.