Құжат студенттер мен оқытушылардың академиялық алмасуын дамыту, ғылыми тағылымдамадан өту және зерттеу жобаларын жүзеге асыруда ынтымақтастықты көздейді.
Екі университет туризм, қонақ үй бизнесі, медицина, заманауи технологиялар және басқа да бағыттардағы әріптестікті дамытуға, сондай-ақ ҚазҰУ-да бірлескен заманауи стоматологиялық орталығын ашуға мүдделестік танытты. Кездесу барысында туризм және қонақ үй бизнесі мамандықтары бойынша білім алушы ҚазҰУ студенттері Анталия қонақ үйлерінде, сондай-ақ түрік университеті бірлесіп жұмыс істейтін «Rixos» бүкіләлемдік желісінде тәжірибе мен тағылымдамадан өту мүмкіндіктері туралы келісімге қол жеткізілді.
Кездесуде сөз алған ҚазҰУ ректоры Ғалым Мұтанов университет көптеген түрік жоғары оқу орындарымен тығыз қарым-қатынаста екенін атап өтті. Қазіргі уақытта КазҰУ-да ірі медициналық-биологиялық кластер қалыптасқан. Бірлескен стоматологиялық орталығын ашу жоғары оқу орындары арасындағы ынтымақтастықты дамытудағы практикалық қадам болып табылмақ және де инновациялық медициналық технологиялар трансфері мен озық тәжірибе алмасуға ықпал етеді, деп атап өтті.
Қазақстаннан келген қонақтарды жылы шыраймен қарсы алған профессор Исмаил Юксек әріптестеріне жоғары оқу орнына шақыруды қабыл алғандықтары үшін ризашылығын білдіріп, университеттің қызметі және жетістіктерімен таныстырды. Анталия ғылым университеті кең ауқымды мамандықтар бойынша жоғары оқу орнынан кейінгі білім берудің пәнаралық бағдарламаларын ұсынатын Жерорта теңізі аймағындағы белгілі білім беру және зерттеу орталықтарының бірі екенін атап өтті. Исмаил Юксек қазақстандық жетекші университетпен бірлескен жұмыс оң нәтиже беретініне, ал екі жоғары оқу орнының өзара тиімді ынтымақтастығы Қазақстан мен Түркияның достық қарым-қатынастарын нығайтуға өз үлесін қосатынына сенім білдірді.
АЛМАТЫ