Мемлекет басшысы Қасым-Жомарт Тоқаев «Egemen Qazaqstan» газетінің бүгінгі санына шыққан «Батыр қыздың биігі» атты мақаланы Twitter парақшасына бөлісіп, спортшы Әнел Сытдықоваға тілегін жеткізді.
«Спортшы қызымыз Әнел Сытдықова Қазақстанның тарихында тұңғыш рет және әлемде алғашқылардың бірі болып Ла-Манш бұғазын жүзіп өтті. Мықты ерік-жігер мен хас шеберліктің керемет үлгісін көрсеттің. Жарайсың, Әнел!» деп жазды Қасым-Жомарт Тоқаев twitter парақшасында.