«Вуэлта» Испания» велокөпкүндігінің кезекті 5-ші кезеңі 170,7 шақырымдық Ла-Эльяна – Альто де Хаваламбре аралығын жалғады. Бұл жолы пелотоннан ерте қара үзіп кеткен үштік өзара жеңімпазды анықтады.
Мәре сызығын Burgos-BH командасының өкілі Анхель Мадросо бірінші болып қиды. Одан аталған команданың келесі бір велошабандозы 10 секунд кейін келді. 3-ші орын 22 секунд кешіккен Cofidis өкілі Xoce Херрадаға бұйырды. Ал «Астананың» капитаны Мигель Анхель Лопес негізгі бәсекелестерін «шаң қаптырып», мәреге 4-ші болып жетті. Ол жеңімпаздан 47 секунд қалып қойды. Соған қарамастан қайтадан көш бастаушының қызыл жейдесін киді.
Алмас МАНАП,
«Egemen Qazaqstan»