1 қыркүйекте елордада Абай атындағы №87 мектеп-гимназияның ашылу рәсімі өтеді деп хабарлайды ҚазАқпарат.
Жаңа мектеп ғимараты А.Иманов және Е.Брусиловский көшелерінің қиылысында орналасқан.
Іс-шараға Премьер-Министр Асқар Мамин, Білім және ғылым министрі Асхат Аймағамбетов және Нұр-Сұлтан қаласының әкімі Алтай Көлгінов қатысады деп жоспарланған.
Сондай-ақ қатысушылар Абай Құнанбаевтың 175 жылдығына орай ашылған «Абайтану» кабинеті мен мектеп мұражайын көре алады. Мектеп оқушылары өздерінің жобаларын «Жасыл технологиялар» және «Виртуалды ғылыми зертханалар» кабинеттерінде қонақтарға ұсынады.