Футболдан UEFA Еуропа лигасы топтық кезеңінде елордалық «Астана» Англияның «Манчестер Юнайтед» командасымен ойнайтын болды.
«Астана» ағылшын клубымен бірге L тобына түсті. Олардан өзге бұл топта Сербияның «Партизан», Голландияның «Алкмаар» клубтары бар.
Топтық кезең ойындары 19 қыркүйекте басталып, 12 желтоқсанда аяқталады. Финал 2020 жылдың 27 мамырында Польшаның Гданьск қаласындағы «Энерга-Гданьск» стадионында өтеді.
Кеше «Астана» Еуропа лигасы плей-офф кезеңінде Беларусьтің БАТЭ командасын қос ойынның нәтижесімен орта жолда қалдырып кетті.