«Астана» футбол клубы Еуропа лигасының топтық кезеңіндегі «Астана Аренада» өтетін кездесулердің билет бағасын жариялады.
Клубтың ресми сайтының хабарлауынша, билеттер құны екі санатқа бөлінген. Бірінші санаттағы «Манчестер Юнайтедке» қарсы өтетін ойынның билет құны орын санатына байланысты 4 мың мен 55 000 теңге аралығында болмақ. Ал АЗ бен «Партизанға» қарсы ойындар – екінші санат. Олардың құны 1500-12000 теңге аралығында. Бұл ойындардың билеті кездесу басталуына аз уақыт қалғанда сатылымға шығады.
Сондай-ақ үш ойынға бір билет, яғни абонемент сатып алуға да болады. Бірінші санаттағы абонемент бағасы – 65 000, екінші санат – 50 000, үшінші санат – 30 000, төртінші санат – 20 000 және бесінші санат – 13 000 теңге. Еске сала кетейік, елорда командасы 3 қазанда «Партизан», 7 қарашада «АЗ Алкмар» және 28 қарашада «Манчестер Юнайтед» клубын өз алаңында қабылдайды.