Күллі әлемнің күлкісі
Таксиске жанында отырған жолаушы:
– Әйнегіңізді тазалап алмаймысыз, шашыраған лай-шалшықтан не көріп келе жатырсыз.
-Е, маған бәрібір...
-Қалайша?!
-Көзәйнегімді үйде қалдырып кетіппін.
***
Үй иесі пәтер жалдаушы әйелге:
– Бірге тұрып жатқан «ағаңыз» көрінбейді ғой, аман-есен бе? – деді кекесін пішінмен.
-Дін аман. Тек, мұнда енді келмейді, басқа «қарындасын» тауып алған...
***
Түрме бастығы аралап көрушілерге бір қылмыскерді жақсылап таныстырып жатыр:
– Бұл біздің мақтанышымыз... Ол мұнда алғаш түскенде әріпті таяқ деп қана ұғатын сауатсыз еді? Біз оның сауатын аштық, оқыттық-тоқыттық, енді міне жалған құжат жасағаны үшін отыр...
***
Ері жұмысқа кетіп бара жатып:
– Бүгін түнде боран соғып, бұрқасын болатын шығар?
Әйелі:
– Жұмыс бітіп, оң-солға бұрылмай уақытысында үйіңді тапсаң, боран тұрмақ лүп еткен жел де болмайды...
***
Әйел азамат полицейдің бөлімшесіне келіп, төрт күн үйіне түнемеген күйеуін тауып береулерін өтінеді.
– Күйеуіңіздің ел-жұрттан бөлекше белгі-бедері бар ма еді?
– Жоқ, жып-жылмағай. Тек осыдан табылсын, белгі таңба түсіруге уәде беремін...