Талдықорғандағы «Жетісу» спорт сарайында волейболдан әйелдер арасындағы Қазақстан Суперкубогы жолындағы жарыс аяқталды.
Айтулы турнирде төрт команда бақ сынады. Олар - «Жетісу», «Алтай», «Ертіс-Қазхром» және «Алматы». Осылардың арасында талдықорғандық волейболшылардың мысы басым болды. Алғашқы екі кездесуде қарсыластарын қапы қалдырған алаң иелері соңғы ойында павлодарлықтарды 3:0 (25:20, 27:25, 25:22) есебімен ұтып, Қазақстан Суперкубогын иеленді.
Жарыс қорытындысы бойынша Сана Анарқұлова («Алтай») және Джоана Паласио Мендоса («Жетісу») осы жарыстың ең үздік ойыншысына тиесілі арнайы сыйлықтарға ие болды.
Осы жеңістің арқасында «Жетісу» Азияның клубтың чемпионатында бақ сынау құрметіне ие болды.